APA-nın məlumatına görə, təhsil naziri Misir Mərdanov jurnalistlərə açıqlamasında bildirib ki, Azərbaycanda məktəb tikintisi ilə bağlı işlər yeni dərs ilində də davam edəcək. Nazirin sözlərinə görə, son illərdə məktəb tikintisi və təmiri ilə bağlı xeyli iş görülsə də, hələ də yeni təhsil binalarının inşasına ehtiyac var.

M. Mərdanov qeyd edib ki, sentyabrın 6-dan başlayaraq müəllimlərin konfransına start veriləcək. Sentyabrın 6-da belə Bakıda, 7-də Sumqayıtda, 11-də Cəlilabadda belə konfransların keçirilməsi nəzərdə tutulur. Nazir orta məktəb şagirdlərinə iş dəftərlərinin pulsuz verilməsinin hələlik mümkün olmadığını və hökumətin bu işi öz üzərinə götürə bilmədiyini söyləyib.